Mrekullia në Kili, shkretëtira “Atacama” kthehet në një oaz lulesh
Nga OraNews Përditësimi i fundit 29 Tetor 2015, 17:20
Shkretëtira “Atacama” në Kili është shndërruar në mënyrë të pabesueshme në një tapet me lule shumëngjyrëshe, pas rënies për disa ditë me rradhë të shiut, që e ka shndërruar jugun e saj nga një shkretëtirë të tharë drejt një rajoni mrekullish natyrore jashtë të zakonshmes.Në fakt, një fenomen i tillë përsëritet një herë në 7 vjet në këtë rajon por ngjyrat dhe bukuria e luleve këtë herë kanë krijuar një spektakël që nuk ishte parë në rajon, së paku jo përgjatë 18 viteve të fundit.Kjo i dedikohet rreshjeve të shumta të shiut në shkretëtirë, më gjatë në kohë se përgjatë dy dekadave të fundit. Por nga stuhia dhe rreshjet e dendura, 28 persona kanë humbur jetën.Gjithsesi, shirat e kanë transformuar shkretërirën e Atacamës, 750 km në veri të Santiagos, në një tapet të pasur dhe ekzotik lulesh.Shirat ndihmuar në lulëzimin në këtë shkretëtirë të mbi 200 llojeve lulesh, secila në ngjyra të ndryshme.Drejtori i Shërbimit Kombëtar të turizmit në Kili, SERNATUR, Rodrigo Ruiz, tha se lulëzimi i këtij viti ka qënë suprizues për të gjithë.“Ka ndodhur në një mënyrë krejt të vecantë sepse në 18 vitet e fundit nuk ka ndodhur një gjë e tillë. Në 2010 është regjistruar një fenomen i tillë por shumë herë më pak por kjo që ndodhi këtë herë na habiti,”- tha Ruiz.Farat e bimëve ishin hedhur vite e vite më parë dhe dukej sikur kishin rënë në gjumë por u stimuluan këtë tetor nga shirat duke tërhequr aty zogj, insekte, hardhuca apo brejtës të ndryshëm.Ramon Cortes, që zotëron një tokë pranë shkretëtirës në Vallenar, e quajti këtë fenomen një mrekulli.“Për ne është një mrekulli sepse në gjithë këto vite, besoj, sipas moshës time, kurrë nuk kam parë lule e bimë të tilla që të lulëzojnë në këtë mënyrë,” -tha Cortes.Për banorët e Atacamas, ky fenomen është moment dhe burim krenarie.“Jemi krenarë për këtë rajon sepse është dicka që nuk ndodh asgjëkundi tjetër në Kili apo në të gjithë botën,” -shtoi Ruiz.Përgjatë të gjithë pjesës tjetër të vitit, Atacama tërheq mijëra turistë në parqet e saj kombëtare, me plazhet e mrekullueshme, malet spektakolare dhe bukuritë natyrore.
/Oranews.tv/
