Vizita në burgun e Spaçit, Lu: Të rinjtë të njihen me historitë e shqiptarëve guximtarë
Nga OraNews Përditësimi i fundit 27 Tetor 2015, 20:54
“Historia, pavarësisht dhimbjes së saj therëse, nuk mund të zhbëhet, por nëse përballohet me kurajo, nuk ka pse të përjetohet sërish.”Ambasadori amerikan Donald Lu zgjodhi këtë citim të Maya Angelou , për të nxitur të rinjtë shqiptarë të vizitojnë burgun e Spaçit dhe të njihen me historitë e atyreshqiptarëve guximtarë që mbijetuan apo humbën jetën në këtë vend.Ndalesa në burgu Spaçit Kryediplomatit amerikan do ti sillte në kujtesë edhe një histori personale të tij.Donald Lu : ‘"Stërgjyshja ime vdiq në një burg komunist në Kinë. Ajo u arrestua ndërsa ndihmonte familjet e tjera për t’u arratisur nga Kina gjatë revolucionit të Maos në 1947. Sot, unë përkujtoj stërgjyshen time, mijëra shqiptarë, dhe njerëz të panumërt kudo në botë, që luftuan për liritë që ne kemi sot.”Në këtë vizitë Lu shoqërohej nga stafi i Ambasadës Amerikanë në Tiranë.Lu thotë se mbetën të tronditur nga ironia e përplasjes së dëshmisë të brutalitetit njerëzor me bukurinë e peisazhit mahnitës malor të kësaj zone.Donald Lu: “Vizita në burgun e Spaçit është një dëshmi e gjallë e sakrificave të atyre njerëzve që luftuan për liri dhe kundër tiranisë, dhe që shpesh humbën jetën gjatë kësaj përpjekjeje. Ne patëm fatin të kishim tre njohës të mirë të zonës, të cilët na rrëfyen historitë e atyre që jetuan dhe humbën jetën këtu - Gjet Gjoni, guida jonë vendase, si dhe Nedi Pjetri dhe Jonathan Eaton nga Shoqata e Trashëgimisë Kulturore pa Kufij.Dje, unë kisha nderin të takoja Fabian Katin, i cili ka qenë i dënuar politik në Spaç në mesin e viteve ’80-të. Z. Kati ia ka përkushtuar jetën e tij qëllimit për të mos e lënë në harresë tragjedinë e Spaçit. Ai së bashku me ish të burgosur politikë të tjerë në Spaç, po punon për të ndërtuar një muze në ish burgun komunist, në mënyrë që edhe brezat e ardhshëm të njihen me këto histori të rëndësishme. Gjithashtu, ai ka bërë disa filma dokumentarë dhe ka shkruar libra mbi ata që u zhdukën dhe ata që i mbijetuan kësaj përvoje çnjerëzore.”
/Oranews.tv/
