Azilkërkuesja shqiptare lind katërnjakë në Gjermani, tre vajza dhe një djalë
Nga OraNews Përditësimi i fundit 17 Tetor 2015, 08:40
Një e re nga Shqipëria, azilkërkuese në Gjermani, ka sjellë në jetë katërnjakë në spitalin universitar në Jena. 26-vjeçarja shqiptare, Oltjana Koci është bërë nënë e tre vajzave dhe një djali.Mediat gjermane raportojnë se gruaja lindi katërnjakët me operacion cezerianmnë javën e 32-të të shtatzanisë.Mjekët thonë se të porsalindurit janë në gjendje të mirë, ndërsa tre prej tyre po u jepen medikamente për stabilizimin e mushkërive.Mësohet se çifti shqiptar kishin mbërritur si azilkërkues në Gjermani në korrik të këtij viti."Kujdesi mjekësor në vendin tonë nuk është aq i mirë.Shqipëria është një vend i varfër, me kushte jo të mira në spitale” mësohet të ketë thënë babai i katërnjakëve Vebi Keta, 36 vjeç.Olivia, Amelia, Xhesika dhe Frederik do të qëndrojnë në spital nën kujdesin mjekësor edhe për 8 javët e ardhshme. Ata peshojnë 1200-1655 gram.Gjermania mbetet vendi kampion në mbarë botën për plakjen e popullsisë, duke lënë pas edhe Japoninë.Katërnjakët janë diçka shumë e rrallë në këtë vend.
