Protesta ne Irak kundër korrupsionit
Nga OraNews Përditësimi i fundit 5 Shtator 2015, 15:11
Mijëra persona protestuan në Bagdad dhe në provincat jugore të Irakut, me thirrjet për reforma rrënjësore në vend dhe për ti dhënë fund korrupsionit që ka përfshirë politikën.Sikurse në kryeqytetin e Irakut, mijëra të tjerë demonstruan në Najaf dhe Basra, duke kërkuar burgosjen e zyrtarëve më të lartë në vend, të dyshuar për korrupsion dhe vjedhjen e fondeve shtetërore, thirrje që u mbështet edhe nga kleriku i muslimanëve shiitë.Ky i fundit i kërkoj kryeministrit Haider Al Abadi, të hartojë reforma të reja dhe të godasë fort korrupsionin e keqqeverisjen e deritanishme. Abadi propozoi një muaj më parë që të eleminohen shtresa të tëra të qeverisë dhe të rihapen hetimet për korrupsion.Por kritikët i quajtën këto propozime antikushtetuese dhe se ato nuk do të përmirësonin aspak jetën e irakenëve të thjeshtë.Në Bagdad, protestuesit mbushën sheshin "Tahrir" duke rritur ndjeshëm presionin drejt autoriteteve."Po i drejtohemi kryeministrit që të hartojë politika të reja. Do ta ketë mbështetjen tonë për këtë gjë" tha Jafer Al Kutbi, një protuesues.Edhe në Basra, banorët dolën në rrugë me flamujt e tyre kombëtar ndërsa ishin të rrethuar nga forcat e sigurisë."Jemi këtu për të protestuar kundër shtetit të Irakut në përgjithësi, ky system ka rënë. A keni parë ndonjë vend tjetër në botë si Iraku, ku asgjë nuk funksionon? As agrokultura, asnjë lloj industrie, asnjë fabrikë nuk është e hapur. Smund të bëjmë asgjë, sidomos në këtë kohë kur nafta jonë shitet për disa cent dhe është bërë e pavlefshme" thotë një tjetër protesues, Abdullah Ali.Muajt e fundit, irakenët kanë dalë gjithnjë e më të shumtë në protesta, ndërsa shpresat e tyre se do të kenë një të ardhme më të mirë, sa vijnë e shuhen.[caption id="attachment_574368" align="alignnone" width="640"]
Ne foto : Protesta ne sheshin "Tahrir"[/caption][caption id="attachment_574369" align="alignnone" width="640"]
Ne foto : Protesta ne sheshin "Tahrir"[/caption]/Oranews.tv/
