Bushati në Tetovë për tu njohur me situatën pas përmbytjeve
Nga OraNews Përditësimi i fundit 24 Gusht 2015, 17:33
Ministri i Jashtëm shqiptar, Ditmir Bushati ka vizituar Tetovën për t`u njohur me situatën në komunën maqedonase pas përmbytjeve masive që ndodhën disa javë më parë. Bushati i shprehi kryetares së komunës së Tetovës, Teuta Arifi mbështetja nga shteti shqiptar për zbutjen e efekteve negative të katastrofës.Arifi e njohu ministrin Bushati me masat e marrë nga qeveria lokale dhe qendrore për përballimin e pasojave të përmbytjeve.Ministri Bushati, shprehu ngushëllimet për familjet që humbën të afërmit e tyre, duke shpresuar që kësaj fatkeqësie të hartohen projekte dhe programe të qëndrueshme dhe afatgjata infrastrukturore nga të cilat do të përfitojnë banorët e Tetovës dhe rrethinave. Ministri Bushati gjatë kësaj vizite zhvilloi takime joformale me personalitete publike dhe politike në Shkup.
