Indi, 5 të arrestuar për përdhunimin e turistes
Nga OraNews Përditësimi i fundit 18 Mars 2013, 07:38
Policia indiane arrestoi 5 persona, të cilët pranuan se përdhunuan në grup një turiste zvicerane në shtetin qendror të Madja Pradeshit.Gruaja 39 vjeçare ishte në një udhëtim çiklizmi bashkë me të shoqin kur ata u sulmuan nga një grup burrash në qendrën e tyre të kampimit në pyll, pasi kishin vizituar qytetin tempull të Orchhas.Zv. inspektori i policisë, D.K. Arya tha se të arrestuarit rrahën të shoqin dhe e përdhunuan gruan në sy të tij. Ata i vodhën çiftit edhe kompjuterin dhe një telefon celular.Ky sulm është rasti më i fundit i sulmeve të dhunshme seksuale kundër grave në Indi.Para tre muajsh India u përfshi nga zemërimi dhe protestat në mbarë vendin pas përdhunimit vdekjeprurës në grup të një studenteje 23 vjeçare nga 5 burra dhe një i mitur në një autobus të New Delhit dhjetorin e kaluar.
