Deputeti gjerman mbyll me 5000 euro çështjen për pedofili
Nga OraNews Përditësimi i fundit 2 Mars 2015, 22:38
Pagoi 5000 euro dhe pranoi se kishte gabuar. Me kaq është mjaftuar një gjykatë në veri të Gjermanisë për të mbyllur çështjen e ish-deputetit Sebastian Edati, i cili akuzohej për pornografi me të mitur.Dikur një yll në rritje i socialdemokratëve gjermanë, karriera e tij mori tatëpjetën kur në laptopin e punës iu gjetën foto fëmijësh.Teknikisht ato nuk ishin foto pornografike dhe ai vetë ka mohuar me forcë të ketë pasur ndonjëherë foto pornografike të miturish.E me sa duket gjykata e ka pranuar lutjen e tij dhe ka mbyllur çështjen pa shumë zhurmë, ndërsa paratë që ka paguar do të shkojnë në ndihmë të një organizate për mbrojtjen e fëmijëve.Por edhe pse i shpëtoi dënimit me dy vjet burg, ai u detyrua të largohet nga parlamenti dhe me shumë gjasa nuk do të ketë më vend në politikën gjermane.
