Kokëdhima: Unë biznesmeni, që u pasurova gjatë qeverisjeve Berisha-Nano
Nga OraNews Përditësimi i fundit 26 Shkurt 2015, 12:14
Një ditë pas akuzave të Partisë Demokratike për përfitime nga fondet publike dhe kërkesës për ti ndërprerë mandatin e deputetit, Koço Kokëdhima ka zgjedhur të përballet me demokratët nga foltorja e Kuvendit.Duke folur në seancën e sotme plenare, Kokëdhima i cilësoi akuzat e demokratëve shpifje të dirigjuara nga ish-kryeministri Berisha.“Deri sot kam folur gjithsej 25 minuta në të gjitha herët që kam folur në parlament. Jo vetëm sepse kam respekt për fjalën, por sepse kjo foltore shpesh herë është shndërruar në një arenë konfliktualiteti dhe imoraliteti dëshpërues.Nuk kam dashur të harxhoj kohën duke u marrë me këto skena të konfliktualitetit.Koha ime është e çmuar dhe ajo tani që jam deputet është e destinuar vetëm për punët e popullit.Dje u informova për shpifjen e radhës të Saliut dhe të tijve. Saliu vetëm me shpifjet për mua ka konsumuar sivjet në këtë parklament më shumë se 25 orë diskutime. Në këtë foltore dhe kushedi sa km rreshta të shkruara në gazeta e rrjete sociale”.I ardhur në politikë nga sipërmarrja, deputeti socialist deklaroi se pasuritë i vuri gjatë qeverisë Berisha dhe Nano, duke i pasur përherë kundërshtar.“Unë jam pasuruar nën qeverinë e Saliu dhe Fatosit, duke qenë përherë kundërshtar i tyre. Më luftuan me gjithçka mundën si biznesmen, sepse të dy ishin xhelozë dhe urrenin sipërmarrjen e këtij vendi siç urrenin mirëqënien e vendit tonë. Aleatët tuaj në pushtet ishin mjerimi dhe varfërimi i popullit. Më luftuat si botues, por unë ju qëndrova besnik lexuesve. Asnjëherë nuk më mposhtët dot.Ti erdhe në politikë i varfër zotëri dhe i thirre dhe të tutë nga emigracioni po të varfër për tu pasuruar me ndihmën e pushtetit me pasuritë e popullit shqiptar. Unë erdha në politikë i pasur dhe nuk erdha për të bërë pasuri për vetë por për popullin, qytetarët dhe sipërmarrësit e Shqipërisë”.Duke iu referuar sërish mocionit të grupit parlamentar demokrat, Kokëdhima tha se kompania e tij që akuzohet se ka përfituar nga fondet publike nuk ka firmosur asnjë kontratë as me institucionet shtetërore dhe as njësitë vendore që prej ditës që ai është shpallur deputet nga KQZ. “Unë nuk kam frikë nga asgjë dhe aksush. Ti ke frikë prandaj je këtu, ke frikë për të gjitha ato që bërë në pushtet. Dua të them dy fjalë për mocionin që ke shpërndarë me shpifjet fund e krye. Pretendon se një nga kompanitë e mia në të shkuarën ka përfituar fonde nga buxheti i shtetit dhe njësitë e pushtetit vendor. Jam shumë krenar për këtë kompani që është vepër e një pune dhe djerse mbi 16 vjet e qindra të rinjve dhe të rejave të talen tuara të Shqipërisë. Keni shpërndarë dhe informacionin sikur Abissnet ka përfituar 150 herë financime nga buxheti i shtetit. i kam këtu të gjithë dokumenhtat që i takojnë referencave në mocionin tuaj.Ju pretendoni se kjo kompani ka arkëtuar 150 fatura me shumë totale 925 mijë lekë të reja. Unë dua t’ju them se që nga dita që unë jam shpallur deputet nga KQZ dhe deri kur kjo kompani është shitur nga unë nuk kam bërë asnjë kontratë dhe kjo kompani nuk ka bërë asnjë kontratë as me institucionet shtetërore dhe as me njësitë e pushtetit vendor. Më jepni një kontratë të vetme që është nënshkruar në kohën kur jam shpallur deputet. Asnjë të vetme, zero kontrata, zero lekë”.
