Rrezikon dhe lumi i Tiranës, bashkia apel qeverisë: Zhblloko fondin
Nga OraNews Përditësimi i fundit 3 Shkurt 2015, 15:38
Në kryeqytet edhe lumi i Tiranës mbetet ende një rrezik.Numri dy i bashkisë apeloi ministrinë e Financave të mos mbajë të bllokuar fondin për ndërhyrje pasi situata do shkojë drejt përkeqësimit.Bozdo apeloi organin e akuzës të përshpejtojë shqyrtimin e kallëzimit për ministrin Cani.Nënkryetari i Bashkisë së Tiranës, inspektoi sot gjendjen përgjatë lumit të Tiranës, i cili për shkak të reshjeve ka rritur nivelin e prurjeve dhe ka dalë nga shtrati.Enno Bozdo: "Kemi ardhur këtu për të inspektuar gjendjen në Lumin e Tiranës, pas reshjeve të shumta të ditëve të kaluara. Konstatojmë me shumë kënaqësi që për shkak të punimeve të kryera, që në fakt janë vetëm gjysma e punimeve, për herë të parë këtë vit ne nuk do të kemi përmbytje të qindra e qindra shtëpive, siç ka ndodhur zakonisht kur Lumi i Tiranës dilte nga shtrati. Theksoj faktin për herë të parë këtë vit, sepse kjo është në saj të projektit dhe punës së bërë nga Bashkia e Tiranës bashkë me firmën përkatëse, e cila deri më sot ka investuar 7 milion euro nga paratë e veta për të ngritur argjinaturat, për të bërë me bondura mbrojtjen e parë, pastaj mbrojtjen e dytë, për të shmangur një katastrofë njerëzore. Nëse nuk do të ishin këto punime, ne sot do të flisnim për qindra, në mos mijëra shtëpi, të përmbytura, e ndoshta dhe jetë në rrezik.Për fat të keq puna e kompanisë dhe ky projekt i Bashkisë së Tiranës, ashtu si edhe projekti i Bulevardit është lënë përgjysmë. Kjo sepse, ministri i Financave, zoti Cani, me urdhrin politik që ka marrë për të bllokuar Bashkinë e Tiranës në çdo mënyrë, ende nuk ka depozituar firmat pranë fondit AbuDabi, në mënyrë që të bëhet shlyerja dhe pagesa e punimeve. Firma përkatëse këtu, por edhe ajo kompani që punon tek Bulevardi i Tiranës, kanë lënë punën e tyre përgjysmë, duke lënë pa punë 2 mijë punëtorë ose ndryshe 2 mijë familje shqiptare",- deklaroi nënkryetari i Bashkisë së Tiranës.I bëj thirrje prokurorisë që të përshpejtojë dhe të marrë një vendim të rëndësishëm përsa i përket kallëzimit penal për shpërdorim detyre që Bashkia e Tiranës ka bërë për zotin Cani dhe për sekretarin e përgjithshëm të Ministrisë së Financave. Ligji duhet të vendoset në vend dhe zyrtarët që abuzojnë me pozicionin e tyre për të bllokuar projekte, në të mirë të qytetarëve dhe në të mirë të Tiranës, duhet të marrin përgjegjësinë e tyre sipas ligjit." U shpreh Bozdo.[caption id="attachment_459589" align="alignnone" width="935"]
Lumi i Tiranës[/caption]/Oranews.tv/
