Mbipopullimi në burgje, më shumë se 1300 të burgosur flenë përtokë

Nga OraNews Përditësimi i fundit 26 Janar 2015, 11:36

Të paktën 1340 të burgosur flenë përtokë, me dyshekë e në disa raste vetëm me batanije pa dyshekë apo me turne.  Ky është rezultati i raportit të Avokatit të Popullit mbi inspektimin që ka bërë në burgjet e vendit, ku mbipopullimi rezulton të jetë problemi kryesor."Mbipopullimi nëpër mjediset e sigurisë në njësitë policore si dhe në Institucionet e vuajtjes së dënimit në vend është një problematikë e pranishme, e prekshme dhe që ka nevojë urgjente për t'u adresuar, pasi cenon respektimin e të drejtave të personave të privuar nga liria, dëmton cilësinë e shërbimeve të ofruara ndaj kësaj kategorie, dhe krijon premisa për trajtim çnjerëzor dhe degradues"- thuhet në raportin e Avokatit të Popullit.Për këtë institucion "Privimi i lirisë nëpërmjet dhënies së masës së sigurimit arrest në burg, duhet konsideruar jo si opsioni kryesor, por si masa më e rëndë që jepet vetëm në rastet e parashikuara në nenet 228 dhe 229 të Kodit të Procedurës PenalAvokati i popullit kërkon Të merren masa të menjëhershme për të kufizuar mbipopullimin në burgje dhe Paraburgime me objektivin që çdo qeli të ofrojë minimalisht 4m2 hapësire jetike për person.Masa që cdo i dënuar të ketë një shtrat të vecantë. Ministria e Drejtësisë të përgatisë një propozim formal ndaj Prokurorisë së Përgjithshme për rritjen e masave të dënimeve alternative jo penitenciare për personat të cilët kanë kryer vepra penale me rrezikshmëri të ulët shoqërore.Ndërkaq në komisariate rezulton se në Elbasan, Lezhë, Berat, Korçë, si dhe Komisariatet nr. 3, 5 në Tiranë ka mbipopullim.Sipas Raporti pjesa më e madhe e personave në dhomat e sigurisë, por edhe ata të transferuar, janë ndaluar/arrestuar për vepra penale të tilla si:"        Drejtim mjeti pa leje drejtimi (këtu pjesa më e madhe e personave të intervistuar ishin të mitur),"        Drejtim i automjetit në gjendje të dehur,"        Lidhje e paligjshme e energjisë elektrike,"        Dhunë në familje,"        Prodhim/shpërndarje lëndësh narkotikeE kontaktuar Drejtoria e Burgjeve bënë me dije se situata do të zgjidhet brenda 6 muajve të parë të 2015.Ajo që pritet të ndryshojë këtë situatë, sipas drejtuesve të institucioneve, është ndërtimi i burgjeve në Fier, Berat dhe në Malësinë e Madhe.Kapaciteti i tre këtyre institucioneve është 1700 persona dhe do të zgjidhin situatën e mbipopulluar.