Mustafa: Trepça e jona, s'negociojmë. Vendimin s'e solli Serbia
Nga OraNews Përditësimi i fundit 21 Janar 2015, 09:15
Kryeministri i Kosovës Isa Mustafa deklaron se nuk do të negociohet me askënd për Trepçën dhe për asnjë pjesë të vendit.Mustafa thotë se kryeministri serb Aleksandër Vuçiç duke thënë se ndërmarrjet shoqërore të Kosovës janë të tij po mashtron qytetarët serbë, dhe provë për këtë është se : Askujt nuk I nevojitet leje me hy në pronën e vet, por Vuçiqit i duhet leje me hy në çdo pjesë të Kosovës, sepse ne jemi zotët e këtij vend.Pastaj Mustafa argumenton dhe ndryshimi i ligjit për organizimin e ndërmarrjeve evitoi mundësinë e falimentimit dhe se vendimi i cili krijoi kushte që Trepça të ballafaqohet me falimentim nga data 2 shkurt, nuk e solli Serbia, por Dhoma e Posaçme e Gjykatës Supreme të Kosovë, vendorët dhe ndërkombëtarët.Deklarata e Isa MustafesVuçiq, krizën e tij ekonomike në Serbi po tenton ta bartë në Kosovë. Dhe për fat të keq, në opinion po plasohet më shumë se çfarë po thotë ai, sesa si po veprojmë ne në vendin tonë dhe me pronat tona. Ai mund të thotë që të gjitha ndërmarrjet shoqërore janë të tij, për ta mashtruar qytetarin serb, por ne e dimë që të gjitha ato janë tonat dhe s’ka pse brengoset askush. Askujt nuk I nevojitet leje me hy në pronën e vet, por Vuçiqit i duhet leje me hy në çdo pjesë të Kosovës, sepse ne jemi zotët e këtij vendi, dhe nuk negociojmë për pronën e asnjë pjese të vendit tonë me askënd.Vendimin, i cili krijoi kushte që Trepça të ballafaqohet me falimentim nga data 2 shkurt, nuk e solli Serbia, por Dhoma e Posaçme e Gjykatës Supreme të Kosovë, vendorët dhe ndërkombëtarët. Por Kuvendi i Republikës së Kosovës, me ndryshimin e ligjit për organizimin e ndërmarrjeve evitoi mundësinë e falimentimit. Qeveria dhe Kuvendi janë të ndërgjegjshme të marrin të gjitha vendimet dhe masat më të mira për këtë kombinat dhe për ardhmërinë e këtij vendi.Ne duhet ti zgjidhim problemet tona duke i peshuar mirë, pa kushtëzime dhe jo me politika populliste, sepse ky vend duhet të stabilizohet dhe të gjithë ne duhet të jemi të përgjegjshëm për nevojën e stabilizimit të tij.
