Shehi kërkon Kushtetutë të re, bën orakullin për PD: Do hyjë në zgjedhje
Nga OraNews Përditësimi i fundit 15 Janar 2015, 22:59
Për Dashamir Shehin nuk ka më asnjë dyshim: Shqipëria ka nevojë për një Kushtetutë te re, si zgjidhje për shumë probleme nga të cilat vuan. Idene që e mbron prej kohës, kreu i LZHK, e ka argumentuar në Ora News me kohën për ngritjen e republikës së Dytë.“ Unë gjykoj që ka ardhur dita që edhe politikisht të bëjmë një diçka të re, një Kushtetutë të re, ta rithemelojmë. Të bëjmë Republikën e dytë. Këtu po na bie gjithë ngrehina dhe kjo punë nuk bëhet më me të arnuar.Pse të arnojmë ne një palë pantallona të vjetra, të blejmë një palë të reja”.Pjesëmarrja në zgjedhjet lokale të Partisë Demokratike është një prej debateve të nxehta që pas reformës territoriale, por Shehi me qetësinë që e karakterizon në politikë bën orakullin kur thotë se PD do të marrë pjesë në garën për vendoret 2015.“ Unë gjykoj që PD do të hyjë në zgjedhje, kemi hyrë edhe në ’97 kur këtu ishin tanket spanjolle, grejke, italiane nëpër rrugët e Tiranës. Sigurisht që unë gjykoj që ndarja e re territoriale është e gabuar, është bërë edhe në frymën e interesave elektorale, partiake.PD ka bërë gabimin e vet në këtë mes që nuk mori pjesë. Por ka akoma kohë. Po të gjejmë një marrëveshje PD-PS kjo hartë mund të riformulohet për të mbërritur në një kompromis”.Gara për Tiranën padyshim pritet të jetë më e forta dhe për Shehin, Lulzim Basha duhet të jetë pjesë e saj.“ Është logjike, normale dhe dinjitoze që të kandidonte zoti. Basha. Është personazhi më i madh që sot ka në pjacë PD”.
