Përfundojnë pa marrëveshje bisedimet në Bjellorusi
Nga OraNews Përditësimi i fundit 25 Dhjetor 2014, 12:24
Kanë përfunduar pa marrëveshje bisedimet mes Kievit dhe përfaqësuesve të rebelëve prorusë në Minsk të Bjellorusisë.Takimi mes palëve nuk konkludoi asgjë dhe madje është ende e paqartë nëse do të ketë një takim të ardhëm mes tyre.Raundi i radhës i bisedimeve kishte për qëllim dhënien fund të konfliktit në lindje të Ukrainës, i cili deri tani u ka marrë jetën më shumë 4500 personave.Për rreth 5 orë, rebelët pro rusë, përfaqësuesit e qeverisë ukrainase dhe përfaqësuesit ndërkombëtarë biseduan për tërheqjen e trupave të armatosura dhe shpërdarjen e ndihmave humanitare.Përfaqësuesi i separatistëve, Denis Pushilin, tha se bisedimet ishin të vështira, ndërkohë që raundi i radhës pritet të ketë në qendër tërheqjen e armëve të rënda nga vija kufitare, shkëmbimin e të burgosurve dhe fundin e bllokadës ekonomike në zonat ukrainase të kontrolluara nga rebelët.Bisedimet në Minsk erdhën një ditë pasi parlamenti ukrainas shënoi një hap përpara drejt anëtarësimit në NATO, gjë e cila ka zemëruar Rusinë. Megjithatë, në bazë të kritereve të zgjerimit të Aleancës, ka pak gjasa që NATO ta pranojë Ukrainën për sa kohë konflikti në territorin e saj mbetet i pazgjidhur.Në shtator të këtij viti, palët arritën një marrëveshje armëpushimi po në kryeqytein Bjellorus, por pakti u shkel disa herë nga të dyja palët.Ukraina ndohet në krizë politike dhe ekonomike që në muajin mars, kohë në të cilët presidenti i asaj kohe, Janukoviç, refuzoi të nënshkruajë marrëveshjen me Bashkimin Europian, duke preferuar forcimin e marëdhënieve me Rusinë.
