Nikolla te “Zyber Hallulli”, gjimnazistët e “Qemal Stafës” dhurata për fëmijët
Nga OraNews Përditësimi i fundit 22 Dhjetor 2014, 13:50
Ministrja e Arsimit dhe Sportit, Lindita Nikolla, vizitoi sot shtëpinë e fëmijës “Zyber Hallulli” ku prezantoi nismën “Të festojmë së bashku” dhe përuroi terrenin e ri sportiv për këta fëmijë.Në kuadër të kësaj nisme, nxënësit e gjimnazit të Tiranës, “Qemal Stafa” u dhuruan fëmijëve të shtëpisë “Zyber Hallulli”, dhuratë në ndryshme.“Ky është rasti i Tiranës, por kudo në Shqipëri, shkollat po zhvillojnë aktivitete duke shkëmbyer dhurata, për t’ju gjendur pranë njëri-tjetrit dhe fëmijëve që kanë më shumë nevojë në këto ditë festash”, tha Nikolla.Gjithashtu, falë bashkëpunimit të MAS, Drejtorisë së Përgjithshme të Tatimeve për këta fëmijë është ndërtuar një palestër, ku ata mund të luajnë apo të merren me aktivitete fizike.Ministrja sëbashku me fëmijët e kësaj shtëpie, përuruan palestrën e ndërtuar sipas të gjitha standardeve.Nikolla vlerësoi partneritetin publik-privat në shërbim të fëmijëve e nxënësve dhe shprehu mbështetjen e institucionit që ajo drejton për bashkëpunime të tjera në të ardhmen.“Krijimi i këtij terreni sportiv është një mundësi më shumë për këta fëmijë për t’u argëtuar e për t’u marrë më aktivitete sportive. Por, detyra jonë është që të kujdesimi çdo ditë për jetën e tyre dhe jo vetëm në ditë festash”, tha Nikolla.Në prag të atmosferës festive të fund vitit, Qeveritë e Nxënësve në institucionet arsimore parauniversitare në të gjitha qytetet dhe fshatrat e Shqipërisë janë bërë nismëtare të sensibilizimit të nxënësve nëpërmjet përgatitjes së dhuratave për realizimin e nismës “Të festojmë së bashku”.
