Carter: Procesi izraelito-palestinez në krizë
Nga OraNews Përditësimi i fundit 23 Tetor 2012, 09:43
Ish presidenti amerikan, Jimmy Carter, tha se procesi i paqes ndërmjet izraelitëve dhe palestinezëve, ndodhet në krizë dhe se qeveria e kryeministrit të Izraelit, Benjamin Netanyahu, duket se e ka refuzuar vazhdimin e zgjidhjes me dy shtete, që do të rezultonte me krijimin e shtetit palestinez.Këto komente zoti Carter i bëri dje në Jerusalem, gjatë një vizite të një grupi të ish liderëve botërorë, i njohur me emrin “Të moshuarit”.Carter theksoi se Izraeli po e zhvillonte të ashtuquajturën “zgjidhje të një shteti”, që duket se e përfshinë edhe kontrollin izraelit ndaj Bregut Perëndimor.Sipas tij, kjo është “katastrofike” për përpjekjet paqësore.Ish presidenti amerikan, Jimmy Carter tha se Shtetet e Bashkuara, aleati i Izraelit, nuk po luajnë më rolin kryesor në përpjekjet për zgjidhjen e konfliktit.Jimmy Carter, ka qënë president i SHBA-së në periudhën 1977 – 1981, ka ndihmuar në arritjen e marrëveshjes paqësore ndërmjet Izraelit dhe Egjiptit, në vitin 1979.
