Obama: Presidenti kinez ka pushtet të rrezikshëm, fqinjët në alarm
Nga OraNews Përditësimi i fundit 4 Dhjetor 2014, 11:20
Presidenti amerikan Barack Obama deklaroi se presidenti kinez Xi Jinping ka konsoliduar pushtetin më shpejt se çdo udhëheqës kinez në disa dekada, duke ngritur alarmin e të drejtave të njeriut dhe duke shqetësuar fqinjët e Kinës.Obama, i cili u takua me Xi muajin e kaluar në Pekin, tha në Tryezën e Rrumbullakët të biznesit se udhëheqësi kinez ka kërkuar që të ketë marrëdhënie të mira me Shtetet e Bashkuara.Ai e ka konsoliduar pushtetin më shpejt se cdo lider dhe në mëmyrën më gjithëpërfshirëse ndoshta që nga koha e Deng Xiaoping," tha Obama, duke iu referuar liderit që udhëhoqi Kinën në periudhën 1978-1992.Obama shtoi se të gjithë janë të befasuar nga ndikimi që Xi ka krijuar në Kinë për një periudhë dy vjeçare.Por Presidenti amerikan tha se kjo ka pasojat e veta negative, pasi sipas tij rrezikohen të drejtat e njeriut, ka shumë mundësi për rritje të nacionalizmit, gjë e cila shqetëson vendet fqinje me Kinën, duke nënvizuar mosmarrëveshjet territoriale detare në rajon.Gjatë takimit me udhëheqësit e biznesit, Obama trajtoi një sërë çështjesh përfshirë atë më të debatueshmen në SHBA, emigracionin dhe marrëdhëniet e tensionuara më Rusinë.Ai tha se Putin do të ndryshojë kurs vetëm nëse rriten sanksionet ekonomike ndaj Moskës, por shtoi se kriza e Ukrainës erdhi befasisht.Obama vlerësoi gjithashtu fuqitë Perëndimore për qasjen e tyre të unifikuar ndaj sanksioneve.
