Europa shpërbleu “kriminelët”, s'mund të dënonte “kalamajtë”!
Nga OraNews Përditësimi i fundit 24 Tetor 2014, 13:49
Publicisti i njohur shqiptar nga Maqedonia, Kim Mehmeti, ka reaguar pas vendimit të UEFA-s për Shqipërinë.Sipas tij, për sa kohë nuk rritesh e nuk bëhesh luan, mos prit të të respektojnë hienat!"Në emër të popullit serb u bënë krime nga më shtazaraket në Ballkan. Barku i tokës serbe ende është përplot me kufoma të shqiptarëve të pafajshëm. Por Serbia sot zhvillon bisedime për anëtarësim në BE, ndërkaq viktimave të saja - kosovarëve e boshnjakëve - u pamundësohet lëvizja e lire nëpër kontinentin ku jetojnë. Andaj, mos vallë ne pritëm që Evropa ta ndëshkojë Serbinë shkaku i ‘kalamajve’ që dhunojnë futbollistët shqiptarë dhe hapur shpalosin amanetin e të parëve të tyre - shfarosjen e shqiptarëve!? Por megjithatë, ne le të vazhdojmë të garojmë me të gjithë, në të gjitha disiplinat sportive, por jo edhe në ‘disiplinën” e racizmit dhe urrejtjes ndaj të tjerëve, ku mbase serbet edhe gjatë kohë do mbeten aty ku janë – kampion evropian të urrejtjes ndaj të gjithëve që janë jashtë vëllazërisë sllavo-ortodokse! E në ndërkohë, ne le të kthjellemi dhe le ta kuptojmë drejtë kërkesën e BE-së që ne ballkanasit të ndërtojmë shtete të së drejtës, e cila në brendi ka edhe porosinë e pashkruar që gjithmonë ka qenë bosht i drejtësisë së këtij kontinenti: përderisa nuk rritesh e nuk bëhesh luan, përderisa nuk i bashkon forcat brenda vëllazërisë tënde, mos pritë të të respektojnë hienat!” Postimi i plotë në Fb
Postimet by Kim Mehmeti.
