FOTO- Rama bën ironi me golin: Pata presion mafioz nga krimi

Nga OraNews Përditësimi i fundit 9 Tetor 2014, 16:03

Tiranë – Stadiumi i ri “Elbasan Arena” ka hapur mbrëmë për herë të parë portat e tij në qytetin e Elbasanit dhe në të është kënduar për herë të parë, himni kombëtar.Kryeministri Rama që e ka përuruar këtë vepër, duke shënuar edhe golin e parë, ka lënë një shënim plot humor me gjuhë të ngatërruar në rrjetet sociale sëbashku me albumin fotografik.

Goli im dje ne #ElbasanArena pas nje presioni mafioz qe segmentet e krimit te lidhur me qeverine i bene Berishes:-) pic.twitter.com/KQVyxTprVW— Edi Rama (@ediramaal) October 9, 2014

Njëkohësisht, ai ka shtuar se ka qënë i pranishëm mbrëmjen e së mërkurës “në çeljen e dyerve të Elbasan Arenës, ku vlerësimin më kuptimplotë të punës së jashtëzakonshme që u krye në një kohë rekord, e bëri traineri ynë De Biazi:“Nuk e besoja kurrë se do të arrinim të luanim në shtëpi ndeshjen e parë dhe se këtu, ku një vit më parë kam dalë i tronditur nga gjendja e stadiumit kur erdha për të parë një ndeshje, do të gjeja sot një stadium të ri si kudo në Europë.”