Krasniqi: Kosova s`ka nevojë për shtet policor
Nga OraNews Përditësimi i fundit 18 Tetor 2012, 12:19
Seanca e Kuvendit të Kosovës është shtyrë për një orë për shkak të pranisë së policëve brenda godinës së Kuvendit.Kryetari i Kuvendit të Kosovës, Jakup Krasniqi, kërkoi largimin e menjëhershëm të pjesëtarëve të policisë nga objekti i legjislativit të vendit duke thënë se nuk janë respektuar rregullat procedurale pasi nuk është kërkuar leje nga ai.“Kërkoj nga kabineti qeveritar-kryeministri dhe ministri mos t`i keqpërdorin ata djem dhe vajza që janë për ta mbrojtur demokracinë, lirinë dhe dinjitetin e vet dhe dinjitetin e institucionit të Kosovës- të mos i përdorim për interesa private të askujt”, u shpreh Krasniqi.Krasniqi tha se nuk ka informacione se kush i ka urdhëruar policët të qëndrojnë sot në Kuvend, por theksoi se ministrat nuk mund të japin urdhra të tillë pa respektuar rregullat.“Ky vend nuk ka nevojë për dhunë policore, as forcë policore e as shtet policor. Ky vend ka nevojë për drejtësi dhe drejtësinë nuk e bën Bajram Rexhepi që dëshiron ta burgos edhe presidentin, edhe kryetarin e Parlamentin. Kush ja dha atë të drejtë?", tha ai.Komenti i tij vjen një ditë pas përplasjeve ndërmjet aktivistëve të lëvizjes “Vetëvendosje” dhe pjesëtarëve të njësive speciale të Policisë së Kosovës para ndërtesës së qeverisë.Protesta e lëvizjes kundër privatizimit të Distribucionit dhe Furnizimit me Energji Elektrike (KEDS) përfundoi me disa persona të plagosur e disa të arrestuar.Seanca pritet të vazhdojë punimet më vonë, ndërsa në rend të ditës do ta ketë debatin për projekt-rezolutën e Partisë Demokratike të Kosovës për normalizimin e marrëdhënieve në mes të Kosovës e Serbisë.
