I jepet lamtumira "Dëshmorit të Atdheut" Musa Skura

Ju dha sot lamtumira shefit të krimeve të Burrelit, Musa Skura i cili ndërroi jetë 3 ditë më parë në një spital të Foggias në Itali.Arkivoli me trupin e “Dëshmorit të Atdheut” ka mbërritur rreth orës 09:50 në Portin e Durrësit ku është pritur nga të afërm, familjarë dhe drejtues të lartë të policisë së shtetit.Më pas, arkivoli me trupin e pajetë të Musa Skurës, i shoqëruar edhe nga një eskortë policie është nisur drejt Tiranës ku është vendosur në hollin kryesor të Shtëpisë Qëndrore të Ushtrisë ku janë zhvilluar edhe homazhe deri në orën 12:30.Miq, të afërm, familjarë, shokë kanë zhvilluar homazhe para arkivolit me trupin e pajetë të kreut të krimeve të Matit Musa Skura i cili ra në krye të detyrës.Homazhe kanë zhvilluar, kryeministri Sali Berisha, kryetarja e Kuvendit Jozefina Topalli, kryetari i PS-së Edi Rama, kreu i LSI-së Ilir Meta, kreu i FRD-së Bamir Topi, kreu i bashkisë Lulzim Basha, ministri i mbrojtjes Arben Imami, Avokati i Popullit Igli Totozani, drejtori i përgjithshëm i policisë së shtetit Hysni Burgaj dhe zyrtarë të lartë të policisë.Rreth orës 13 e 45 minuta trupi i Skurës mbërriti në varrezat e dëshmorëve, ku ai do të prehet midis dëshmorëve të tjerë të atdheut.Musa Skura u plagos mbrëmjen e 13 Janarit në Suç të Burrelit, gjatë një operacioni për arrestimin e një grupi trafikantësh armësh, ndërsa humbi jetën dy ditë më parë në Foxhia të italisë.Berisha:Drejtësia do veprojë vendosshmërisht ndaj krimitKryeministri Berisha pasi vlerësoi figurën e komisar Musa Skurës theksoi se qeveria do të mbështesë gjithmonë efektivat e policisë në përballjen e tyre me krimin.“Shpreh ngushëllime dhe solidaritetin e qeverisë shqiptare, familjes së komisarit Musa Skura që ra në krye të detyrës në përballje me fallangat e krimit. Shpreh ngushëllimet e mia per efektivët e Policisë së Shtetit për këtë humbje të madhe, komisar Skura ishte njëri nga komisarët më të shkëlqyer, trima, të vendosur të policisë së shtetit. Ai ishte qytetar shembullor, prind i shkëlqyer dhe në rënien e tij në krye të detyrës la një boshllëk të madh. Erdha për të shprehur mbështetjen më të plotë ndaj efektivëve në luftës së tyre me zero tolerancë ndaj krimit të organizuar dhe çdo lloji tjetër. Shembulli, sakrifica sublime e Skurës, burrëria e tij, guximi i madh do të jenë frymëzim, sikundër dhe qindra shokëve të tjerë të tij që ranë për t’u bërë të pavdekshëm për të garantuar jetën, pronën, rendin dhe qetësinë, për efektivët e policisë për të konsoliduar rendin dhe sigurinë” tha Berisha.Ai ka deklaruar se qeveria është e gatshme të ndërmarrë çdo lloj hapi ligjor brenda kuadrit demokratik kushtetues. “Çdo lloj hapi ligjor të nevojshëm brenda kuadrit demokratik kushtetues qeveria është e gatshme të marrë, por nga ana tjetër drejtësia në të dy rastet e dhimbshme po vepron e do veprojë vendosmërisht” tha kryeministri.Rama: Dita kur krimi do të sprapset, e afërtKreu i PS-së, Edi Rama, pas homazheve për komisar Musa Skurën ka deklaruar se dita kur policia do të marrë dinjitetin e humbur dhe krimit do të sprapset është shumë e afërt.“Fatkeqësisht pasi erdhëm këtu para pak kohësh për ti dhënë lamtumirën një komisari kurajozë, sot jemi për lamtumirën e një tjetër komisari, janë dëshmor në një luftë me krimin që ka fituar një epërsi të frikshme, në kushtet kur fatkeqësisht policia është tradhtuar, braktisur dhe po rrënohet dita ditës në një drejtim tërësisht të padenjë, duke ngushëlluar këto familje, gra, fëmijë që i shtohet vijimësisht numrit të familjeve të grave e fëmijëve të këtyre dëshmorëve në një betejë rraskapitëse me krimin dëshiroj që në nderim të kujtimit të këtij komisari dhe të atyre që kanë dhënë jetën të angazhohem solemnisht se dita e një përballjeje kur krimi do të sprapset është e afërt”- tha Rama.

Kreu i krimeve të Matit, Musa Skura humbi jetën në një spital në Itali, pasi u plagos në krye të detyrës gjatë një operacioni policor mbrëmjen e 13 janarit në fshatin Suç në zonën e quajtur Përroi i Keçit në Mat.Ai qëndroi për dy ditë në Spitalin Ushtarak në Tiranë, ku ju nënshtrua disa ndërhyrje kirugjikale. Mjekët thanë se u detyruan ti hiqnin shpretkën dhe njërën veshkë, ndërsa nga plumbat ishin dëmtuar rëndë edhe tre organe të tjera.Dy ditë pas ngjarjes, kreu i krimeve të Burrelit u dërgua për një ndihmë më të specializuar në spitalin e Foggias në Itali por ndërroi jetë si pasojë e plagëve të marra.Qeveria akordon 5 milionë lekë për familjen SkuraNdërkohë në mbledhjen e djeshme të qeverisë u vendos që familjes së “Dëshmorit të Atdheut” t’i akordohet një ndihmë financiare prej 5 milionë lekë.“Në mbështetje të nenit 100 të Kushtetutës, të neneve 5 e 45, të ligjit nr.9936, datë 26.6.2008, “Për menaxhimin e sistemit buxhetor në Republikën e Shqipërisë”, dhe të nenit 13, të ligjit nr.119/2012, datë 17.12.2012, “Për buxhetin e vitit 2013”, me propozimin e ministrit të Brendshëm, Këshilli i Ministrave Dhënien e ndihmës financiare, prej 5 000 000 (pesë milionë) lekësh, për familjen e të ndjerit Musa Bajram Skura, ish- punonjës i Policisë së Shtetit, vrarë në krye të detyrës. Ky fond të përballohet nga fondi rezervë i buxhetit të shtetit.Ngarkohen Ministria e Financave dhe Ministria e Brendshme për zbatimin e këtij vendimi.Ky vendim hyn në fuqi menjëherë” thuhet në vendimin e Këshillit të Ministrave.