"Ebola", situata mund të përkeqësohet
Nga OraNews Përditësimi i fundit 28 Gusht 2014, 10:05
Situata nga virusi Ebola pritet të përkeqësohet në vend që të përmirësohet. Kështu nënvizohet në një raport të Shëndetit publik të Shteteve të Bashkuara, për Afrikën Perëndimore. Tom Frieden, drejtori i Qëndrës për kontrollin e sëmundjeve, tha se kjo epidemi kërkon një përgjigje të paprecedentë, për ta vënë nën kontroll. Ministrat e Shëndetësisë përqark Afrikës Perëndimore do të takohen në Gana për të diskutuar rreth kësaj krize që gjithnjë e më shumë po merr përmasa të frikshme. Sipas Organizatës Botërore të Shëndetësisë, deri më tani nga virusi i Ebolas kanë humbur jetën 1427 persona.Ndërsa me virusin vdekje-prurës rezultojnë të prekur edhe 2615 persona të tjerë. Liberia është vendi më i prekur nga kjo sëmundje, me 624 viktima dhe me 1082 raste që nga fillimi i vitit. Frieden zhvilloi një takim edhe me presidenten e Liberisë, Ellen Johnson Sirleaf për të diskutuar mënyrat për të luftuar sëmundjen. Ata pranuan se rastet po rriten ndërsa theksuan se situata po përkeqësohet gjithnjë e më shumë. Përveç tragjedisë në njerëz, virusi Ebola ka shkaktuar dëme marramendëse edhe në ekonomi, pas bizneset e huaja që investojnë në rajonin e Afrikës perëndimore janë tërhequr.
