Steven Tyler ndahet nga e fejuara
Nga OraNews Përditësimi i fundit 15 Janar 2013, 14:49
Frontmeni i grupit "Aerosmith", Steven Tyler është prapë beqar, pasi ai është ndarë nga e fejuara e tij Erin Brady.Rokeri i kishte propozuar asaj fejesën në ditën e Krishtlindjeve në vitin 2011, por lidhja e tyre duket se ishte acaruar vitin e kaluar.Zëdhënësi i Steven Tyler ka mohuar thashethemet për ndarjen e tyre në Tetor të vitit të kaluar, duke i quajtur problemet e çiftit si "zënka të zakonshme në një lidhje", por gazeta “New York Post”, ka bërë të ditur të hënën se çifti është ndarë.Një burim ka bërë të ditur se tani lidhja e tyre ka përfunduar."Ka përfunduar vërtetë kësaj radhe... Ata ende shoqërohen me njëri-tjetrin mirëpo do t`i ndajnë rrugët e tyre. Fejesa e tyre është shkatërruar", ka thënë ky burim.Çifti ka qenë në lidhje që nga viti 2006, kurse Tyler më parë ishte dy herë i martuar.
