BE shton sanksionet ndaj Rusisë, përfshi edhe biznesmenë të afërt me Putin
Nga OraNews Përditësimi i fundit 29 Korrik 2014, 18:17
Bashkimi Evropian është pajtuar që të shtojë sanksionet ndaj tetë individëve, përfshirë edhe biznismenë të afërt me presidentin rus, Vladimir Putin dhe katër entitete për shkak të krizës së Ukrainës.Evropa e Lirë raporton se emrat pritet të bëhen publike më 30 korrik.Ambasadorët e 28 vendeve anëtare të BE-së janë takuar në Bruksel, ndërsa gjatë këtij takimi pritet që të aprovohen edhe sanksione të tjera që e kanë cak sektorin energjetik, financiar dhe atë të mbrojtjes së Rusisë.Masat pritet të krijojnë kufizime për qasjen e bankave ruse në tregun evropian, apo marrëveshjet në sektorin e energjisë si dhe vendosjen e një embargoje në mallrat ushtarake.BE deri tani ka vendosur sanksione ndaj 87 individëve dhe 20 entiteteve në Ukrainë dhe Rusi rreth krizës në Ukrainë. Të parët për lajmin e fundit. Ndiqni Oranews.tv në Facebook dhe në Twitter
