Përmendorja e UÇPMB-së, Daçiç: Nëse s'e heqin ata, e heqim ne me dhunë
Nga OraNews Përditësimi i fundit 26 Dhjetor 2012, 21:35
Kryeministri i Serbisë, Ivica Daçiç ka deklaruar të mërkurën se nëse autoritetet lokale në Preshevë nuk e heqin vetë përmendoren e dëshmorëve të UÇPMB-së, në qendër të Preshevës, atëherë atë do ta heqë me forcë shteti.Daçiç ka thënë se për atë përmendore është informuar edhe Bashkësia ndërkombëtare dhe se ajo është një provokim i hapur pasi me të dëshirohet të thuhet se Serbia nuk kontrollon një pjesë të territorit të saj."Kjo absolutisht nuk është e mundur dhe mund të kërcënojë kush të dojë, shteti është më i fortë se çdo kërcënim andaj presim që kjo çështje të zgjidhet gjatë javëve në vazhdim. Kemi mundur ta zgjidhnim për një ditë por kemi treguar vullnet të mirë që të mos hedhim vaj në zjarr. Por, nëse nuk duan me qejf atëherë ne do ta bëjmë më forcë", ka thënë Daçiç.Ish-komandanti i UÇPMB-së, Lulzim Ibishi ka thënë se nëse tentohet të preket ajo përmendore, atëherë ai dhe ish-bashkëluftëtarët e tij do t'i rrokin armët për ta mbrojtur atë.
