Pasi ka deklaruar nga Skrapari se Kanionet e Osumit janë një resurs i rëndësishëm turistik për zonën, kreu i kuvendit Ilir Meta, së bashku me familjen dhe deputetë të parlamentit, ka provuar emocionet e rafting për gati 3 orë rresht. Meta u shpreh se këto perla të natyrës shqiptare, do të kthehen në destinacion turistik jo vetëm për rajonin por edhe më gjerë. Deputetja Monika Kryemadhi, e befasuar nga mrekullitë e kanioneve të Osumit, siguroi mbështetje më të madhe për grupin e rafting, e cila do të zhvillojë turizmin në rajonin e Skraparit sipas kërkesave të tregut turistik ndërkombëtar.
