Korçë, punonjësit e Shërbimit Pyjor protestë: Na shkarkuan, s’kemi marrë pagat e 2 muajve
Nga OraNews Përditësimi i fundit 12 Prill 2014, 10:59
55 punonjës të Shërbimit Pyjor Korçë kanë protestuar sot kundër vendimit të qeverisë që parashikon shkrirjen e këtyre drejtorive në rrethe. Punonjësit deklarojnë se jo vetëm që janë hequr me pa të drejtë nga detyrat që mbanin, por Ministria e Mjedisit që mbulon këto shërbime nuk u ka dhënë pagën e 2 muajve.Ata i bënë thirrje Ministrisë tu bëjë likujdimin e pagave që u detyrohet si dhe të anulojë vendimin në të kundërt ata do të përshkallëzojnë protestat.Një ditë më parë një protestë e ngjashme u zhvillua në Malësinë e Madhe. 24 punonjës të Shërbimit Pyjor tentuan të hyjnë në drejtori, por u ndaluan nga forcat e policisë. Ata i bënë thirrje qeverisë të anulojë vendimin në të kundërt ata do të përshkallëzojnë protestat duke shkuar edhe në vetëgjyqësi.“65 mijë ha pyje e kullota të rrethit tonë nuk mund të kontrollohen nga 8 persona. Tetë punonjësit e emëruar në Drejtorinë e Shërbimit Pyjor nuk janë të profilit. Po largohen specialistë dhe inxhinierë që kanë nga 22 deri në 36 vite punë. Thirrje qeverisë te anulojë vendimin, pasi në të kundërt do të përshkallëzojmë protestën. Do të kalojmë deri në vetëgjyqësi për të drejtat tona, nëse qeveri nuk anulon vendimin” janë shprehur protestuesit.Vendimi i miratuar nga qeveria më datën 21 shkurt parashikon shkrirjen e drejtorive të Shërbimiit Pyjor në rrethe.
