Kim dëshiron raporte të mira me Jugorët për 2014
Nga OraNews Përditësimi i fundit 1 Janar 2014, 16:19
Koreja Veriore do të ndjekë një kurs të përmirësimit të raporteve me Jugun gjatë këtij viti, tha sot gjatë fjalimit të tij për Vitin e Ri, lideri Kim Jong Un.Në porosinë e tij për mediat koreano-veriore, Kim ka thënë se ai do të “bëjë përpjekje agresive që të përmirësojë raportet” ndërmjet të dy shteteve të gadishullit korean.Ai i bëri thirrje Koresë së Jugut që të ndërmarrë hapa të njëjtë në këtë frymë bashkëpunimi.Kjo porosi vjen në kohën, kur rrethi i ngushtë i Kim-it është i trazuar për shkak të ekzekutimit të burrit të hallës së tij në dhjetor, Jang Song Thaek, i cili u akuzua për tradhëti.Kim ka bërë po ashtu të ditur në fjalimin e tij se do të forcojë kapacitetet ushtarake të Koresë së Veriut gjatë vitit 2014.Ministria e Bashkimit të Koresë së Jugut i është përgjigjur me skepticizëm toneve pajtuese të Kim-it, duke thënë përmes një deklarate për medieve se “mbetet të shihet nëse Koreja Veriore do të ndryshojë apo jo pozitën e saj”.
