Kenia nuk tërheq trupat nga Somalia
Nga OraNews Përditësimi i fundit 27 Shtator 2013, 17:21
Ministri i brendshëm kenian ka thënë të premten se shteti nuk do të dorëzohet para kërkesave të militantëve somalez, al Shabaab dhe të tërheqë trupat e saj ushtarake nga Somalia, megjithë tmerrin e përjetuar në qendrën tregtare në Najrobi ku al Shabaab vrau dhjetëra njerëz dhe mbajti peng jo pak të tjerë për më tepër se dy ditë.“Ne kemi shkuar në Somali sepse Al Shabaab është kërcënim i sigurisë tonë kombëtare. Ne do të vazhdojmë që të ndërmarrim aksione në atë front derisa siguria dhe interesi jonë të mbrohen”, ka thënë Joseph Ole Lenku për gazetarët.Shefi i al Shabaab, Ahmed Abdi Godane, tha se sulmi në qendrën tregtare në Najrobi, në të cilin u vranë 67 njerëz, ka qenë një mesazh për “perëndimorët” që e kanë përkrahur invazionin kenian të Somalisë dhe që ka derdhur gjakun e myslimanëve për interes të kompanive të tyre të naftës.Kenia e kishte pushtuar para dy vjetëve Somalinë jugore për të sulmuar një bazë të militantëve somalez, ndërsa më vonë i është bashkuar forcës prej 17 700 ushtarëve të Unionit Afrikan që janë vendosur në Somali.
