Rusi, aktivistët e Greenpeace nën akuzë
Nga OraNews Përditësimi i fundit 24 Shtator 2013, 11:15
Prokurorët rusë kanë akuzuar rreth 30 aktivistë të Greenpeace për pirateri dhe kanë deklaruar se do t’i proçedojnë të gjithë ata për tentativë për të hipur në bordin e një platforme nafte në Arktik.Komiteti Hetimor Rus, organ i ngritur sipas modelit të FBI-së amerikane, do të marrë në pyetje aktivistët, mes të cilëve gjashtë shtetas britanikë. Anija e tyre, “Arctic Sunrise”, është dërguar për ankorim në portin e Murmanskut.Zëdhënësi i Komitetit, Vladimir Markin deklaroi se të gjithë ata që sulmuan platformën, pavarësisht kombësisë, do të hetohen dhe proçedohen penalisht.30 aktivistët e Greenpeace u ndaluan katër ditë më parë nën kërcënimin e armëve nga forcat ruse të sigurisë. Një prej tyre i tha BBC se rreth 15 persona të armatosur dhe të maskuar sekuestruan mjetin e tyre lundrues në Detin Barents.Ndalimi i aktivistëve erdhi një ditë pasi ata u përpoqën të ndalonin shpimet e një platforme naftënxjerrëse ruse në ndërtim. Sipas grupit të gjelbërt, nxjerrja e naftës nga kjo platformë kërcënon një ekosistem krejt unik dhe delikat.Ministri i Jashtëm i Rusisë, Sergei Lavrov pati akuzuar më parë grupimin për sjellje “agresive dhe provokuese”, në dëm të interesave ekonomikë të Rusisë.Autoritetet ruse lajmëruan se mjeti lundrues i Greenpeace u ndalua pasi nuk iu bind paralajmërimeve për të ndaluar, të cilat përfshinë edhe edhe të shtëna boshe.
