Ukraina miraton marrëveshjen me BE-në
Nga OraNews Përditësimi i fundit 18 Shtator 2013, 12:48
Qeveria ukraianase ka miratuar draft marrëveshjen për Asociim me Bashkimin Evropian.Zyra për informim e kësaj qeverie thotë se dokumenti është miratuar nga kabineti në mënyrë unanime.Udhëheqësi i delegacionit të BE-së në këtë shtet, Jan Tombinski, ju ka thënë gazetarëve në Kijev se aprovimi i marrëveshjes prezanton një “hap të rëndësishëm” nga qeveria ukrainase dhe se nënshkrimi i saj në samitin që do të mbahen në nëntor në Vilnius, “do të jetë një sukses i përbashkët i të gjithë qytetarëve, atyre të Ukrainës por edhe të BE-së”.Ndërkohë, komunistët e këtij shteti kanë njoftuar se do ta apelojnë vendimin e Komisionit Zgjedhor që ju ka refuzuar kërkesën për referendum përmes së cilit do të kërkohej mendimi i qytetarëve për t’iu bashkuar Unionit Doganor rajonal që udhëhiqet nga Rusia.Moska po i bënë presion Ukrainës që të heq dorë nga marrëveshja me BE-së, dhe t’i bashkohet këtij unioni doganor ku bëjnë pjesë edhe Bjellorusia dhe Kazakistani.
