Pacolli: Prishtina e Tirana t’i ‘bashkojnë’ qeveritë
Nga OraNews Përditësimi i fundit 10 Gusht 2013, 16:53
Zëvendëskryeministrit të Qeverisë së Kosovës, Behgjet Pacollit duket i ka pëlqyer ideja dhe nisma e Qeverisë së Maqedonisë për seanca të përbashkëta me qeveritë e rajonit.Sipas tij, Kosova duhet ta marrë këtë model bashkëpunimi për të realizuar seanca të përbashkëta qeveritare, për të nxitur impuls pozitiv në zhvillimin e marrëdhënieve me vendet fqinje, sidomos me Shqipërinë.Ai mendon se hartimi i një strategjie zhvillimore do ta thellojë bashkëpunimin me Shqipërinë, në interes në rritjes ekonomike dhe mirëqenies së qytetarëve të dy vendeve.“A nuk na duhet një strategji zhvillimore afatgjatë, që të miratohet në mënyrë konsensuale dhe që të jetësohet nga të dijshmit ? Kjo strategji duhet të përcaktojë prioritetet tona, aftësitë konkurruese, dhe mbi të gjitha të jetë komplementare me atë të Shqipërisë. A po shikoni se ç’po ndodh në rajon ? Qeveritë e Maqedonisë me atë të Serbisë dhe Bullgarisë, po takohen dhe po ecin përpara në këtë drejtim. E pse ne mos të bëjmë të njëjtën gjë ?”, është shprehur Pacolli.Por përfaqësimi i ulët në qeveri e pengon atë që t’i realizoëj projektet e hartuara për ta nxjerrë Kosovën nga kriza e rëndë ekonomike.“Unë kam bërë shumë aktivitete, kam hartuar shumë projekte, kam lëshuar shumë thirrje shoqërive dhe elitave tona politike, si qytetar, si ndërmarrës, si zëvendëskryeministër, si president, por unë s’mund të bëj më shumë, me këtë përfaqësim politik që kam në qeveri. Më duhet ndihma e qytetarëve, më duhet konsensusi ndërpartiak që të bëj më shumë”, ka shtuar Pacolli.
