Evropa Perëndimore “digjet” nga i nxehti/ Rekord temperaturash në Britani, Francë dhe Spanjë
Nga OraNews Përditësimi i fundit 27 Maj 2026, 18:05
Evropa Perëndimore po përballet me një valë të pazakontë të nxehti që ka sjellë temperatura rekord për muajin maj në disa vende, veçanërisht në Britaninë e Madhe dhe Francë.
Në Londër, temperaturat kanë arritur deri në 35 gradë Celsius, një nivel që zakonisht shihet në kulmin e verës, ndërsa në disa zona të Francës termometri ka shkuar deri në 39 gradë, duke shënuar një nga majet më të nxehta të regjistruara ndonjëherë.
Meteorologët thonë se kjo situatë është e pazakontë për këtë periudhë të vitit dhe se temperaturat e larta pritet të vijojnë edhe për disa ditë, para se të nisë një ulje graduale nga fundi i javës.
Edhe në Spanjë janë regjistruar temperatura më të larta se normalja, sidomos në rajonet e brendshme si Salamanca dhe Bilbao, ku moti i nxehtë i ngjan më shumë verës së vonë sesa pranverës.
Ekspertët e klimës paralajmërojnë se valë të tilla të të nxehtit po bëhen gjithnjë e më të shpeshta dhe intensive, si pasojë e ndryshimeve klimatike globale.
