“Vota e lirë është flamuri ynë, do vazhdojmë betejën”/ Berisha në 'foltore': Do rikthejmë votën e lirë në Shqipëri
Nga OraNews Përditësimi i fundit 25 Maj 2026, 20:27
Sali Berisha u shpreh para Kryeministrisë se flamuri i opozitës është ai i votës së lirë dhe se, sipas tij, beteja politike do të vazhdojë deri në rikthimin e saj.
Ai tha se opozita do të vijojë atë që e quajti “kryengritje paqësore”, duke shtuar se nuk do të tërhiqen nga kjo rrugë pavarësisht pengesave.
Berisha iu referua edhe raportit të Parlamentit Evropian, duke thënë se në pjesët e para të tij zgjedhjet në Shqipëri cilësohen si të parregullta dhe të manipuluara.
Gjatë fjalës së tij, ai akuzoi qeverinë për situatën politike dhe ekonomike në vend, duke folur për varfëri, largim të qytetarëve dhe probleme në sistemin zgjedhor.
Në përmbyllje, ai u bëri thirrje mbështetësve të opozitës të vazhdojnë protestat dhe angazhimin politik, duke e konsideruar këtë një rrugë drejt ndryshimit.
