Ç'po ndodh në plazhin e Qerretit, masive të mëdha dheu bllokojnë zonën
Nga OraNews Përditësimi i fundit 6 Maj 2026, 20:59
Një masakër mjedisore raportohet të ketë ndodhur në zonën e plazhit të Qerretit.
Siç mund të shihet dhe në foton e mësipërme, masive të mëdha dheu janë hedhur në zonë duke bllokuar daljen drejt detit.
Sipas raportimeve, kjo ndërhyrje është bërë me qëllim zgjerimin e sipërfaqes së plazhit, duke shtuar territor të ri përgjatë vijës bregdetare.
Megjithatë raportohet se këto ndërhyrje, në prag të sezonit turistik u kanë prishur ndjeshëm qetësinë banorëve dhe pushuesve.
Për shkak të grumbujve masiv të dheut dhe bllokimit të daljes drejt detit, ata e kanë të pamundur të shfrytëzojnë plazhin, duke u përballur me vështirësi në akses dhe kushte të papërshtatshme për pushim.
