Tiranë/ 23-vjeçari bëri 'namin' në 2 muaj, vodhi 12 kioska dhe një biçikletë. Përfundon në pranga
Nga OraNews Përditësimi i fundit 6 Maj 2026, 15:12
Një 23-vjeçar është vënë në pranga në Tiranë, i dyshuar për një seri vjedhjesh të kryera gjatë dy muajve të fundit.
Sipas policisë, i riu ka vjedhur në 12 kioska në zona të ndryshme të qytetit, si edhe një biçikletë.
Nga verifikimet ka rezultuar se ai ka qenë i dënuar më parë për vjedhje dhe përfshirje në raste me lëndë narkotike.
Hetimet po vijojnë për të parë nëse është i përfshirë edhe në vjedhje të tjera.
Materialet i janë dërguar Prokurorisë së Tiranës për veprime të mëtejshme.
