Aksident në Piombino, përmbyset kamioni i zjarrfikësve
Nga OraNews Përditësimi i fundit 27 Prill 2026, 17:47
Një aksident rrugor është regjistruar në Piombino, në provincën e Livorno, ku një kamion i zjarrfikësve është përmbysur gjatë një ndërhyrjeje.
Ngjarja ka ndodhur rreth orës 14:00 në një rrethrrotullim, teksa mjeti ishte nisur për një emergjencë jashtë qytetit. Sipas informacioneve paraprake, në aksident nuk janë përfshirë mjete të tjera.
Menjëherë pas incidentit është dhënë alarmi dhe në vendngjarje kanë mbërritur ambulanca dhe forcat e emergjencës. Të katër personat që ndodheshin në mjet kanë arritur të dalin vetë, ndërsa një prej tyre, 42 vjeç, është dërguar në spital me dëmtime në dorë.
Autoritetet po hetojnë shkaqet e aksidentit, ndërsa policia lokale ka kryer veprimet përkatëse për zbardhjen e plotë të rrethanave.
