"31-vjeçari që hapi zjarr në darkë urr*n të krishterët"/ Trump: I kërkohet të sh*njestrojë zyrtarët qeveritarë
Nga OraNews Përditësimi i fundit 26 Prill 2026, 18:46
Presidenti amerikan ka deklaruar se, personi i armatosur që hapi zjarr në sallën e vallëzimit ku po zhvillohej Darka e Korrespondentëve të Shtëpisë së Bardhë la shënime duke kërkuar shënjestrimin e zyrtarëve të administratës Trump, ndërsa pretendoi se kishte shkruar një manifest që tregon se ai i urren të krishterët.
Sipas mediave të huaja, në manifestin e tij, 31-vjeçari e quajti veten vrasësi miqësor federal dhe ua shpërndau atë anëtarëve të familjes së tij para incidentit.
Prokurori i Përgjithshëm në detyrë Todd Blanch pranoi gjithashtu në një intervistë në emisionin "Meet the Press" të NBC-së se i dyshuari kishte disa shkrime. Blanch kishte thënë më parë se i dyshuari dukej se po synonte zyrtarët e administratës Trump, por se hetimi për motivin e tij ishte ende në fazat e hershme.
Sipas Blanch, i arrestuari nuk po bashkëpunon me hetuesit. Ministri në detyrë i drejtësisë tha gjithashtu se beson që Mbreti Charles do të jetë i sigurt për vizitën e tij në Shtetet e Bashkuara që fillon nesër. Sekretarja e shtypit e Shtëpisë së Bardhë, Caroline Levitt, tha se mbrëmja që supozohej të ishte argëtuese u minua nga një i çmendur i korruptuar që kërkoi të vriste presidentin dhe të vriste sa më shumë zyrtarë të lartë të administratës Trump.
