Leka shpërthen ndaj qeverisë: Model antipopullor dhe represiv

Nga OraNews Përditësimi i fundit 2 Prill 2026, 20:30

I ftuar në emisionin “Epiqendër” të gazetares Sonila Musai, përfaqësuesi i partisë Lëvizja Bashkë, Klodi Leka, kritikoi ashpër qeverinë aktuale.

Gjatë fjalës së tij, Leka e cilësoi qeverinë si të dështuar dhe me politika që, sipas tij, dëmtojnë qytetarët dhe ekonominë e vendit. Ai deklaroi se nuk ka besim se kjo qeveri mund të sjellë përmirësime, duke iu referuar mënyrës se si funksionon dhe prioriteteve që ndjek.

Sipas tij vendi po përballet me probleme të lidhura me korrupsionin dhe ekonominë informale, duke ngritur shqetësimin për përdorimin e Shqipërisë si një hapësirë për pastrim parash.

Ai iu referua edhe qëndrimeve të analistit Fatos Lubonja, duke përmendur termin “fashizëm ekonomik” për të përshkruar modelin aktual të qeverisjes.

Në përfundim, Leka theksoi se, sipas tij, ndryshimi politik është i domosdoshëm për të përmirësuar situatën ekonomike dhe sociale në vend.

NDIQNI EMISIONIN E PLOTË “EPIQENDËR” NË “ORA NEWS”