Lea Michelle falenderon përzemërsisht mbështetësit !
Nga OraNews Përditësimi i fundit 30 Korrik 2013, 12:35
Ndarja nga jeta e Cory Monteith për shkak të abuzimit me alkolin dhe lëndët narkotike, ishte lajmi i cili i tronditi të gjithë. Vdekja e papritur e tij, ka bërë të vuajnë shumë persona, kryesisht nëna e tij dhe e dashura Lea Michelle.
Kjo e fundit ka javë të tëra që nuk shfaqet në publik, madje sipas familjarëve e ka të pamundur të dalë edhe nga dhoma e saj. Përballja me njerëzit e tremb Lean dhe kjo ka qenë një nga arsyet pse ajo është tërhequr.
Por pak ditë më parë, u vu re një status i publikuar në rrjetin e saj social twitter ku aktorja falenderonte përzemërsisht të gjithë ata të cilët e kanë mbështetur dhe i kanë qëndruar afër si dhe nuk ka lënë pa përshkruar dashurinë të cilën ende ndjen për Coryn.
Në intervistën e fundit që Lea dha u shpreh se kurrë nuk do të harronte një person aq të veçantë si Cory, pasi gjithçka që kishte jetuar me të ishte thjesht e mrekullueshme. Ai ishte i vetmi njeri i cili e kishte bërë të ndihej në një mënyrë të tillë. Në fund të intervistës aktorja nuk humbi rastin të falenderonte miqtë e Glee të cilët ishin si bashkëpunëtorët ashtu dhe miqtë më të mirë të cilët i dhanë mbështetje gjatë atyre ditëve.
