Britney Spears, shpjegon pjesëmarrjen e “Smurfs” në klip
Nga OraNews Përditësimi i fundit 29 Korrik 2013, 10:30
Britney Spears sapo ka hedhur në treg klipin më të ri " Ooh la la ", në të cilin marrin pjesë dy djemtë e saj Jayden dhe Sean.Përveç tyre një tjetër e veçantë janë dhe kartonat "Smurfs" , të cilët bëhen pjesë e një klipi për të parën herë.
Britney ishte e pranishme së bashku me djemtë në promovimin e dytw të filmit "Smurfs 2", gjatë së cilës gazetarët nuk humbën rastin t`i bënin pyetje të ndryshme.Në fillim këngëtarja u pyet për pjesëmarrjen e atyre të cilët ndryshe quhen edhe "Kartonat Blu", pasi ajo mund të kishte shumë alternativa. Britney theksoi se kjo ishte një dëshirë e djemve të saj.
Në çdo fundjavë që ata kalonin bashkë , Jayden dhe Sean gjithnjë e ftonin për të parë filmin e " Smurfs", aq sa këngëtarja pranon se e kishte mësuar përmendësh.
Diçka tjetër e paqartë nga ana e publikur kishte qenë edhe titulli i këngës " Ooh La la" i cili nuk kishte një kuptim të mirfilltw. Por ajo shpjegoi se të gjithëve mund t`i ketë ndodhur të bërtasin Ooh la la , në një moment lumturie ose kur kanë arritur diçka, dhe ky titull ka si qëllim të përcjellë mesazhin e klipit që thekson se gjithnjë duhet të jemi të lumtur dhe të buzëqeshur.
