Përmbytjet në Itali, përmirësohet situata pas ndalimit të reshjeve
Nga OraNews Përditësimi i fundit 14 Nëntor 2012, 15:31
Tre ditë pas reshjeve të rrëmbyeshme që lanë pjesë të mëdha të rajoneve veriore dhe qëndrore të Italisë nën ujë, duket se vendi po e merr veten. Rreshjet e shiut kanë pushuar dhe niveli i ujit ka filluar të ulet. Të paktën 4 persona janë raportuar të vdekur në dy ditët e para.Paolo Bardelloni 59 vjeç, Antonella Vanni, 48 vjeçe, Maurizio Stella 47 vjeç mbeten të bllokuar në një automjet qe u mbulua nga uji, për shkak të shembjes së një ure në Albenja, në rajonin e Ligurias.Një 73 vjeçare që mbeti e plagosur, pasi një valë uji përmbysi automjetin e saj në lokalitetin e Orbetelos, në rajonin e Toskanës është viktima e katërt e këtyre përmbytjeve.Ndërkohë në lokalitetin e Maremës, po në Toskanë, është mbyllur autostrada, si dhe është verifikuar një çarje rreth 7 metra që ka përfshirë të dyja korsitë, duke detyruar autoritetet të kufizojnë qarkullimin.Vazhdon te jete ne gjendje kritike situata ne provincën Arezzo, Firenze, Grosseto dhe Siena, ku u ngrit dhe salla operative e mbrojtjes civile ne Toskane.Ne Grosetano zona me e goditur nga përmbytjet, ka shkuar ne 700 numri i te evokuarve nga shtëpitë e tyre. Probleme ka edhe në disa rrugë që të çojnë drejt Romës dhe disa të tjera në drejtim të Firences, për shkak të përmbytjes së autostradës kryesore.
