FOTO+VIDEO/ Abuzimet në Bashki, SPAK zbarkon në shtëpinë "e kolegut", Erion Veliaj "fluturon" në Hamburg
Nga OraNews Përditësimi i fundit 6 Dhjetor 2024, 10:46
Prokuroria e Posaçme dhe agjentë të BKH-së kanë zbarkuar prej orëve të para të mëngjesit në shtëpinë e kryebashkiakut të Tiranës Erion Veliaj.
Sipas informacioneve të para mësohet se agjentët e BKH-së ndodhen në banesën ku jeton kryebashkiaku, por ende nuk dihen detajet.
Ndërkohë që shtëpinë e tij shkon dhe e kontrollon BKH-ja, vetë kryebashkiaku Veliaj ndodhet në Gjermani.
Bashkia e Tiranës ka nxjerrë një njoftim që Erion Veliaj ndodhet në një takim me kryebashkiakun e Hamburgut, Peter Tschentscher.
Veliaj ndoshta ka qenë në dijeni që SPAK-u dhe prokurorët kanë çuar kërkesat në gjykatë për kontrollin e banesës, por edhe për masa të tjera. Mesa duket nga frika është larguar drejt Hamburgut.
Erion Veliaj po hetohet nga SPAK për aferën e inceneratorëve, aferën 5D, por edhe në hetim pasuror së bashku me familjen.
