Akuzohet si porositës i dy vrasjeve/ Nga arratia, Suel Çela ankimon masën e arrestit me burg, GJKKO shqyrton sot kërkesën
Nga Edison Vatnikaj Përditësimi i fundit 6 Dhjetor 2024, 10:24
Nga arratia Suel Çela ankimon masën e parë të sigurisë “arrest në burg” e cila u vendos në maj të vitit 2023 në Gjykatën e Posacme.
Çela, i njohur ndryshe si Marjus Lula u shpall në kërkim pas dëshmisë së Nuredin Dumanit.
Sipas SPAK ai porositi vrasjen e biznesmenit Lulzim Masha pranë liqenit artificial, vrasje që nuk u realizua.
Po ashtu dyshohet se ka porositur edhe vrasjen e Elton Kilës.
Ndërkohë, dy javë më parë GJKKO caktoi një tjetër masë sigurisë “arrest në burg” ndaj tij, si kreu i një organizate kriminale, ku akuzohet për krime të shumta.
Seanca për masën e sigurisë do zhvillohet në orën 13.00 në Gjykatën e Posacme.
