Nuk dihet vendndodhja e Snowden-it
Nga OraNews Përditësimi i fundit 11 Qershor 2013, 07:28
Edward Snowden, ish-punonjësi i CIA-s, i cili ka nxjerrë detaje mbi survejimin “top-sekret” amerikan të telefonave dhe internetit, është zhdukur nga hoteli i tij në Hong Kong.Sipas mediave ndërkombëtare, 29-vjeçari ka dalë dje nga hoteli ndërsa ende nuk dihet vendndodhja e tij.Më herët, ai tha se kishte një “detyrim të ndihmonte në lirimin e njerëzve nga shtypja”, duke iu referuar zbulimit të javës së kaluar se agjencitë amerikane ishin duke mbledhur fakte nga përgjimet e miliona telefonatave dhe të dhënave në internet.Një zëdhënës për zyra e drejtorit të Inteligjencës Kombëtare tha se çështja i është referuar Departamentit të Drejtësisë, si një çështje kriminale.Ai u zbulua si burimi i nxjerrjes së detajeve, me kërkesë të tij, nga gazeta britanike “The Guardian”.Hong Kongu, një territor kinez, ka një marrëveshje ekstradimi me Shtetet e Bashkuara, megjithatë analistët thonë se përpjekja për të sjellë Snowden në Amerikë mund të marrë muaj të tërë dhe mund të bllokohet nga Pekini.Snowden besohet të ketë shkuar në Hong Kong më 20 maj. Një viza standarde për kthimin në atdhe, për një shtetas amerikan, zgjat 90 ditë
