Hetimet për “Gërdecin”, Mediu rikthehet në GJKKO
Nga OraNews Përditësimi i fundit 10 Janar 2024, 09:00
Ish-ministri i Mbrotjes Fatmir Mediu është paraqitur këtë martë në Gjykatën e Posaçme ku pritet të mbahet seanca e radhës për çështjen “Gërdeci”.
Seanca e 27 dhjetorit
Pas përfundimit së seancës më 27 dhjetor 2023, Mediu do të shprehej se ky proces ndaj tij është thjesht një lojë mediatike, ku askush nuk merret me vetë çështjen për t’i shkuar deri në fund së vërtetës së saj.
Ai komentoi edhe thirrjen për të dëshmua të djalit të ish-kryeministrit Sali Berisha, Shkëlzen Berisha.
“Eshtë e domosdoshme të thirren dëshmitarët. Edhe ata që nuk ndodhen brenda vendit ka mënyra për të dëshmuar. Bëj thirrje në emër të të vërtetës që gjithsecili të flasë dhe të tregojë të vërtetën siç është.
Duhet të rithirren personalitetet ushtarake. Duhet të thirren edhe ministrat që kam kërkuar të thirren. Përndryshe do të ecim me konceptin e vjetër që ushtria është partia”, tha ish-ministri i MBrojtjes Fatmir Mediu.
Ishte Shkëlzen Berisha një dëshmitar i domosdoshëm?
Ai nuk ka asnjë lidhje me mua në këtë proces. Në qoftë se do kishte, kishte mënyrë tjetër procedimi. Dy dëshmitarë nuk pranuan të dëshmojnë. Mendoni se të gjithë të tjerët do mbajnë të njëjtin qëndrim?
Kam vlerësim maksimal për punonjësit e Ministrisë së Mbrojtjes. E kërkova edhe në gjykatë që deklarimet që kanë bërë në gjykatë të konsiderohen dhe e vërteta të provohet përmes dëshmive të tyre. është në interesin e tyre që të deklarojnë qëndrimin e tyre përpara kësaj gjykate.
DEKLARATA E 27 DHJETORIT
