Rrugorja bën thirrje jo vetëm për shoferët: Kalimi i rrugës nga këmbësorët në vendkalimet e përcaktuara shpëton jetë
Nga OraNews Përditësimi i fundit 9 Janar 2024, 15:02
Policia Rrugore përmes një mesazhi ka bërë thirrje për vëmendje dhe respektim të rregullave të qarkullimit të të gjithë drejtuesve të mjeteve.
Përpos kujdesit të shoferëve në përdorimin e rripit të sigurimit apo mospërdorimit të celularit gjatë drejtimit të mjetit, Rrugorja ka një thirrje edhe për të gjithë këmbësorët.
Respektimi i rregullave prej tyre duke përdorur vendkalimet e këmbësorëve të përcaktuara për ta, sipas Rrugores, shpëton jetë.
Njoftimi i Policisë Tiranë
Kujdesi dhe vëmendja e shtuar, përdorimi i rripit të sigurimit, mospërdorimi i celularit gjatë drejtimit të mjetit, reflektojnë qetësi dhe më shumë siguri në udhëtim.
Gjithashtu, përdorimi dhe kalimi i rrugës nga këmbësorët në mënyrën dhe vendkalimet e përcaktuara, shpëton jetë.
Respektoni rregullat e qarkullimit rrugor, përdorni vendkalimet e këmbësorëve për sigurinë tuaj dhe të përdoruesve të tjerë të rrugës
