FOTO/ Marshimi për titullin nis nga Shkodra, Tirana thyen Vllazninë, Teuta mund Erzenin
Nga OraNews Përditësimi i fundit 22 Prill 2023, 21:39
Marshimi për titullin kampion nis nga Shkodra, ku Tirana fiton 0-1 ndaj Vllaznisë dhe merr 3 pikë të arta në kampionat.
Një episod i rëndësishëm u pa në minutën e 35-të. Kontakt Çoba-Përgjoni, shkodranët pretenduan për penallti, por loja vijoi.
Bardheblutë gëzojnë në fundin e fraksionit. E majta e Abazaj përfundoi në rrjetë, ndihmuar edhe nga një devijim i Bulatovic. Një gol që vlen shumë, sidomos për momentin në të cilin erdhi.
Në pjesën e dytë, skuadra e Sedloskit rrit presionin por nuk tregohet konkrete para portës. Në fund Balaj provoi me kokë, nuk mundi dot të gjejë portën.
Me këtë rezultat, ekipi i Shehit kryeson me 56 pikë, 8 pikë më shumë se Partizani i vendit të dytë. Në krahun tjetër, Vllaznia gjendet në vendin e katërt me 42 pikë.
Në ndeshjen tjetër, Teuta mundi 2-0 Erzenin, me golat e Kallakut dhe Vilës. Skuadra e Edi Martinit është në vendin e gjashtë me 38 pikë, ndërsa po aq pikë por një pozicion më poshtë gjendet Erzeni.
