Bajram e Pashkë i festojnë bashkë, fshati Bakaj në Delvinë mishërim i bashkëjetesës fetare
Nga Anxhela Lushkaj Përditësimi i fundit 16 Prill 2023, 13:54
Fshati Bakaj në Delvinë është mishërim i bashkëjetesës fetare. Banorët, ortodoksë e myslimanë respektojnë e kremtojnë çdo festë të njëri-tjetrit pavarësisht besimit që kanë.
Bajram e Pashkë i festojnë bashkë.
Fshati Bakaj me rreth 1 mijë banorë në Delvinë është mishërim i bashkëjetesës fetare.
Banorët i përkasin dy besimeve, ortodoksë dhe myslimanë.
Këtë të diel Eleni feston Pashkën.
Por pak ditë më vonë në shtëpinë e saj do të festohet edhe Bajrami.
Të gjithë në Bakaj e respektojnë besimin e njëri-tjetrit.
Në ditët e shënuara fetare shkojnë për vizita në shtëpitë e fqinjëve, shkëmbejnë urime e ushqimet tradicionale të festave.
Gjatë muajit të Ramazanit, ortodoksët shtrojnë iftar për myslimanët.
Në fshat ka edhe Kishë e Xhami.
Si kambanat dhe ezani për të janë qetësim shpirtëror.
