E rëndë në Elbasan, makina përplas këmbësorin dhe arratiset, vdes 20-vjeçari
Nga OraNews Përditësimi i fundit 23 Janar 2023, 22:30
Një 20-vjeçar humbi jetën në Elbasan në një aksident rrugor. Ngjarja ka ndodhur rreth orës 21:25, në unazën e qytetit.
Një automjet ende i paidentifikuar, ka aksidentuar këmbësorin shtetasin F. S., rreth 20 vjeç, dhe është larguar nga vendi i aksidentit.
Si pasojë shtetasi F. S., ka ndërruar jetë rrugës për në spital.
Grupi hetimor ndodhet në vendngjarje dhe po punon për zbardhjen e rrethanave të aksidentit, identifikimin dhe kapjen e drejtuesit të automjetit.
