Ikën shefi i komisariatit Sarandë, Klodian Kondi, shkon në Pogradec, ai i Pogradecit vjen në Sarandë
Nga OraNews Përditësimi i fundit 23 Janar 2023, 15:45
Shefi i Komisariatit të Sarandës, Klodian Kondi ka lënë detyrën për t’u emëruar Shef i Komisariatit të Pogradecit.
Në vend të Kondit, në Sarandë është emëruar Oltion Agolli, shef i Komisariatit të Pogradecit.
Klodian Kondi mbajti detyrën e Shefit të Komisariatit të Sarandës për 1 vit e gjysmë prej korrikut 2021.
Ndër ngjarjet më të bujshme të ndodhura në Sarandë e të zbuluara nën drejtimin e Shefit të Komisariatit Klodian Kondi, mund të përmenden:
Grabitja me armë e noterit Thoma Kaçi, ku pas një pune profesionale drejtoi hetimet në zbardhjen e kësaj ngjarje të rëndë, ku u kapën dhe u vunë para drejtësisë autorët e kësaj ngjarje.
Vjedhja e shumës prej 200 milionë lekë në Supermarket “Halo” në Sarandë, ku u arrit të bëhet dokumentimi i plotë ligjor dhe kapja e autorëve të cilët nuk lanë asnjë provë në vendin e ngjarjes ku ata morën veç lekët edhe pajisjet DVR në këtë market.
Goditja e personave për armëmbajtje pa leje. Goditja e personave që merreshin me krime ndaj pronës. Vjedhjet e banesave në qytet janë thuajse zero.
Zbulimi i menjëhershëm i djegies së zyrës noteriale të Aleko Anagnostit dhe i pengmarrjes së Gentian Omerit.
Goditja e krimeve mjedisore, vlen të përmendet se qyteti i Sarandës ka dalë nga njolla e zezë e ndërtimeve pa leje, kjo e bërë e ditur edhe nga Kryeministri, nën drejtimin e këtij Shefi Komisariati. Gjatë kohës që Komisariati i Sarandës është drejtuar nga Klodian Kondi janë finalizuar me sukses të plotë 35 operacione policore.
